ភ្នំពេញ៖ បុរសម្នាក់បានស្លាប់ភ្លាមៗដោយសារឈើធ្លាក់លើ នៃការដ្ឋានសំណង់មួយកន្លែងដែលស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅរសៀលថ្ងៃទី១៥ ខែវិច្ឆិកា ឆ្នាំ២០២២ ដែលបង្កការភ្ញាក់ផ្អើលដល់ពលរដ្ឋនៅក្បែរនោះ។
ជនរងគ្រោះនោះមានអាយុប្រហែល ២០ឆ្នាំ មានមុខរបរជាអ្នកដឹកជញ្ជូនទំនិញនៅការដ្ឋានសំណង់នៃកន្លែងកើតហេតុខាងលើ។
តាមប្រភពដែលបានឃើញហេតុការណ៍នេះបានឱ្យដឹងថា ដំបូងឡើយជនរងគ្រោះបានដឹកជញ្ជូនទំនិញឱ្យភ្ញៀវ តែជាអកុសល ជនរងគ្រោះក៏ត្រូវបានឈើធ្លាក់ចំក្បាលបណ្តាលឱ្យស្លាប់ភ្លាមៗនៅកន្លែងកើតហេតុ។
តាមសាក្សីដែលជាសន្តិសុខនៅក្បែរនោះបានឱ្យដឹងថា ជនរងគ្រោះរត់គេចពីឈើនោះមិនទាន់ទើបបណ្តាលឱ្យឈើនោះធ្លាក់ចំក្បាលសង្កត់បាក់កស្លាប់តែម្តង៕
